დაცულ ტერიტორიებზე მოგზაურობისას თავს დაცულად 88,3% გრძნობს


 

დაცულ ტერიტორიებზე მოგზაურობისას, თავს დაცულად 88,3% გრძნობს, - ამის შესახებ გარემოსა და ბუნებრივი რესურსების დაცვის სამინისტროში დაცულ ტერიტორიებზე ჩატარებული ვიზიტორთა კმაყოფილების კვლევაშია ნათქვამი.



როგოც ”კომერსანტს” სამინისტროდან აცნობეს, კვლევის შედეგები საზოგადოებას დაცული ტერიტორიების სააგენტოს თავმჯდომარემ, დავით მარკოზაშვილმა და მონაცემთა კვლევის ჯგუფის წარმომადგენელმა, ლაშა გულბიანმა წარუდგინეს.



კერძოდ, კვლევის თანახმად, დაცულ ტერიტორიებზე არსებული სერვისები დადებითად გამოკითხულთა 84%-მა შეაფასა. ვიზიტორთა უდიდესი ნაწილი - 88% აუცილებლად ურჩევს მეგობრებს ეწვიონ საქართველოს დაცულ ტერიტორიებს. გამოკითხულთა 68,8% მომუშავე პერსონალის ვიზიტორისადმი დამოკიდებულებას ძალიან მეგობრულად აფასებს. სულ გამოიკითხა 238 დამთვალიერებელი, რომელთა 43,2% ქართველი ვიზიტორი იყო, ხოლო 56,8% - უცხოელი. გამოკითხვა ინტერვიუერის მიერ ადმინისტრირებადი ქართული, ინგლისური და რუსულენოვანი სპეციალიზებული კითხვარებით მიმდინარეობდა. 
 

”კვლევის ფარგლებში, გამოკითხულმა ვიზიტორებმა საკუთარი იდეებიც დაასახელეს, რომელთა განხორციელებითაც დაცული ტერიტორიები მეტად მიმზიდველი გახდებოდა. კვლევის მონაწილეები ძირიდად ინფრასტრუქტურის გაუმჯობესებას, დასასვენებელი ობიექტების გაფართოვებას, საკვები პუნქტების გახსნას და ატრაქციების დამატებას ისურვებდნენ.

 

ვიზიტორთა კმაყოფილების კვლევას დაცული ტერიტორიების სააგენტო პერმანენტულად ახორციელებს.
 

მონაცემთა კვლევის ჯგუფი დიდი გამოცდილების მქონე მკვლევართა ჯგუფს აერთიანებს, რომელთა კვლევებიც ბოლო ოცი წლის განმავლობაში პერიოდულად ქვეყნდება მსოფლიოს წამყვან სამეცნიერეო გამოცემებში. კომპანია ფლობს მონაცემთა შეგროვების და ანალიზის უახლეს მეთოდებს და თანამედროვე უზრუნველყოფას, რაც შესაძლებელს ხდის დროის შემჭიდროვებულ ვადებში ფართმასშტაბიანი და მაღალი ხარისხის მქონე კვლევების ჩატარებას”, - განმარტავენ სამინისტროში.
 

მათივე ცნობით, კვლევა მონაცემთა კვლევის ჯგუფმა სამ დაცულ ტერიტორიაზე: მარტვილის კანიონზე და პრომეთესა და სათაფლიის მღვიმეებში, 2017 წლის ივლისი-აგვისტოს პერიოდში ჩაატარა.

წყარო: http://commersant.ge/?view=post&id=132328&lang_id=ge

{{ authTitle }}
{{ alert.title }}